Ciise Masiix waxa uu yidhi,
"Waxaa la isiiyey awooda xukunka samooyinka iyo dhulka. Haddaba taga oo quruumaha oo dhan xer ka dhiga idinka oo biyo ku daahirinaya magacayga aawadiis. Bara xerta cusub dhammaan amaradii aan idin siiyey si ay u addeecaan. Tani na waa hubaal, oo Anigu waligay waan idin la jiri doonaa, ilaa iyo dhamaadka.”
— Matayos 28:18-20, SOM NLT
WAA AYO DHI?
Waxaanu nahay ragg iyo haween Soomaaliyeed oo raacay Ciise Masiix. Waxaanu si buuxda u aamin sanahay Ciise Masiix, Isaga oo ah Wankii Ilaahay qaadayna danbigeenii, isla markaas na nasiiyey fursad aan xidhiidh kula yeelan karno Ilaahay marlabaad, iyo inaanu helnay hadyadii Badbaadada ee Ilaahay.
Iimaan kayagu waa uu kor dhaa maalin kasta waxaananu baranayna jidkii Ciise Masiix iyo sidii Warka Wanaagsan u gaadhi lahaa ummada Soomaaliyeed. Waxaanu nahay xer ay ka go’an tahay in midba midka kale jeclaado, oo si wada jir ah u wada shaqeeyaan si aan u aragno Boqortooyada Ilaahay oo dadkayaga ka dhex shaqaynaysa.
Ciise Masiix waxa uu noo sheegay in nala silcin doono sidii Isaga ba loo silciyey midkasta oo innaga mid ah oo Ciise Masiix raacayana dunidatan ma soo dhawayn doonto.
Ciise Masiix wuxuu siliceena u isticmaalay in uu ku badalo nafaheena. Marnaba kuma noqon doono mugdigii aan ka soo baxnay. Waxaanu aragnay muujino iyo riyooyin Rabbiga ku saabsan. Waxaanu aragnay Iftiinka, waxaanu ogaanay runta. Waa lana xidhay, oo lana jirdilay, oo lana silsiladeeyey, oo lana gu maadaystay oo xitaa waa lana khiyaamay. Laakiin intaas oo kaleba waxay ku dhacday Ciise Masiix.
Qaar kayo waxaanu ahayn wadaado Muslim ah, qaar kayo kalena waxaanu ku soo kornay qoysas carruurta jirdila. Laakiin maanta waa maalin cusub! Waxaanu hadda sahminaynaa wado cusub oo Boqortooyada Ilaahay dadkayaga kaga dhex shaqayn karto. Nafsadayada ayaanu khatar galinaynaa si dadkayaga aanu uga samatabixino mugdiga iyo boqortooyada shaydaanka. Kani waa fikirka Dhaqdhaqaaqa Iftin ee ku yimid ammaanta Ilaahay!
ARAGTIDAYADA
Waxaanu aaminsanahay awooda taranta, taasi oo macnaheedu yahay in nin kasta iyo haweenay kasta iyo ilmo kasta oo Soomaali ah oo raacay Ciise Masiix lagu tababaro laguna dhiirigaliyo in uu xer kale sii sameeyo.
Waxaanu leenahay aragtida ah in xerow kastaa koro oo uu xerkale sii sameeyo.
YOOLKAYAGA
U jeedkayaga ugu wayni waa inaan aragno Soomaali xer ah oo xer kale sii samaynaysa, iyo iyaga oo tarmaya, oo tuulo, magaalo, degmo, gobol iyo guud ahaan geeska Afrika iyo meelo kaleba ku faafinaya Warka Wanaagsan ee Ilaahay.
Idamka Ilaahay yool kayagu waxa weeye in aan sanadka 2030 ka gaarno 3 Milyan oo Soomaali ah.
Tani waa ducadayada, inaanu rumaysnaano in Ciise Masiix Soomaali badan uu ka saari doono boqortooyada gudcurka, una hoggaamin doono Boqortooyadiisa Iftiinka ah.
GOOBAHA AAN
KA ADEEGNO
Sida ku xusan Falimaha Rasuullada cutubka 19aad, Bawlos waxaa laga eryey macbudyadii ku yaalay magaallada Efesos ee maanta ku taala dalka Turkiga. Laba sano kadib wuxuu bilaabay in uu la kulmo lab o iyo toban xer ah, wuuna tababaray xertaas, si ay xer kale usii sameeyaan.
Laba daas sano gudaheed Efesos waxay noqotay magaalo xarun u ah tababarista xerta, waddanka Turkiga oo dhana waxaa gaaray Warka Wanaagsan ee Ilaahay.
Sida Bawlos oo kale, annaguna waa inaan Warka Wanaagsan ee Ilaahay ku faafino shanta gobol ee Soomaalidu dagto, shantaas gobol oo kala ah: Somalia, Somaliland, Jabuuti, Dawlad Deegaanka Soomaalida Itoobiya, iyo Wuqooyi Bari Kiinya.
Waxaanu aamin sanahay in dadkeenu iftiin u noqon doonaan dhulka Muslimiintu dagto oo dhan.
Somalia
DADKA: 13 milyan
GOBOLADA: 13
CAASIMADA: Mogadishu
Somaliland
DADKA: 5 milyan
GOBOLADA: 6
CAASIMADA: Hargeysa
Jabuuti
DADKA: 0.5 milyan
GOBOLADA: 1
CAASIMADA: Magaalada Jabuuti
DADKA: 10 milyan
GOBOLADA: 9
CAASIMADA: Jijiga
Itoobiya
Kiinya
DADKA: 3.5 milyan
GOBOLADA: 3
CAASIMADA: Gaarissa
WAXQABAD
KAYAGA
Si lamid ah sidii Ilaahay u dhaqaajiyey xertii ugu horaysay ee Ciise Masiix kuna xusan kitaabka Falimaha Rasuullada, sidaas oo kale Ilaahay wuxuu dhaqaajinayaa xerta maanta dunida oo dhan joogta.
Maanta waxaa jira in kabadan 2000 oo Dhaqdhaqaaqyo Xer Sameeyayaal ah, iyo hoggaamiyayaal soo saara xer taranta, taas oo natiijada ka soo baxaysa ay noqonayso xer taranta iyagoo guri guri u kulma, isla mar ahaantaasna ku dhex faafinaya Warka Wanaagsan dadkooda.
Sida aan ka baranayno Falimaha Rasuullada marka xer cusubi ay si joogta ah u kulmaan, waxay noqdaan qoys Boqortooyada Ilaahay kamid ah, waxaanay is badal ka dhex sameeyaan bulshada ay ku dhex nool yihiin, maadaama noloshoodu ku xidhan tahay adeecista amarada Ilaahay, Ruuxa Quduuska ahina uu dhexdooda ka shaqaynayo.
Hadaba markii kooxaha xerta ahi tarmaan ilaa 4 jiil, markaas dhaqdhaqaaqa xerta ahi wuxuu noqonayaa mid joogto ah sidiisana isku wada.
Waxqabad kayaga ugu waynina waa inaanu samaynu Aragtida Ilaahay ka leeyahay dadkayaga, annaga oo samaynayna xer taranta oo guri guri u kulma, iyo annaga oo faafinayna Warka Wanaagsan ee Ilaahay, oo bilaabayana dhaqdhaqaaqyo xer samayn ah.
QIYAMKAYAGA
Waanu ducaysanaa,
oo soonaa oo waxaanu dhagaysanaa Ilaahay (Matayos 6)
Waxaanu samaynaa
xer taranta
(Matayos 28:19-20)
Waxaanu jecel nahay in aanu shaqaysano, oo aan isticmaalno wixii aan shaqaysanay (Falimaha Rasuullada 18:1-3)
Waxa aanu aaminsanahay silaca, laakiin isma dhiibno (Yacquub 1:12)
Waxaanu jecel nahay Ilaahay annaga oo Eraygiisa adeecayna
(Yooxanaa 14:21)
Waxaanu u adeegnaa Sayidka oo kaliya, ee dunida uma adeegno
(Matayos 6:24)
Waanu allabarinaa annaga oo qaadayna Rabbi ammaan
(Sabuurraddii 96)
Waxaanu nahay laamihii Ciise Masiix annaga oo midho samaynayna
(Yooxanaa 15)
Waxaanu ku dhiirigalinaa walaalaha inay iskugu yimaadaan ducooyin (Falimaha Rasuullada 12:12)
Waxaanu raadinaa dad nabadeed qisooyinka ay baranayaan dadka le la sii wadaaga / ama u sheega (Luukos 10)
Waxaanu nahay
kooxo shabakad ah oo wada shaqeeya
(Filiboy 2:2-4)
Waxaanu tababarnaa xerta kale si Warka Wanaagsan ay u faafiyaan (Falimaha Rasuullada 19:10)
Iftiinku Wuu
Muuqan Doonaa
“Dadka aan Rajada lahaynin waxay arki doonaan Iftiin.
Dadka ku nool dhulka aan Rajada laynina waxay arki doonaan Iftiin.”
— Nebi Ishacyah
